有幾個選擇，一係好慘，一係無咁慘，十足十理想就永遠都無，咁你想點揀？你唔揀，別人幫你揀最慘的路。
如此，你如果勉強爭取十足十理想，同人有衝突時，人就懲罰傷害你，你有能力就打贏敵人，不然你就要受苦，你可能會死，你搏唔搏吖！如果你唔怕死，你嫌命長，或覺得反正生不如死，咁你咪搏下囉！
然而，你如果覺得其實唔係十足十理想都可以接受嘅，點解唔試下先呢！可能你唔介意呢！可能你接受到呢！可能實際在當中時，感覺唔係咁差呢！或者可能過一段時間，時代變了，環境變了，情況會好轉呢！
這樣，如果你係唔忍得，係要同人搏命，係要即刻有答案和結果，咁你自己選擇啦！你出事唔好怪別人，你自己選擇，你自己過唔到，你只能怪你自己係咁，你怪就怪上天塑造到你係咁嘅模樣，你改變唔到自己，唔肯妥協，你自己選擇自取嘅結果，唔關我事。
所以，去到最後，你點揀你自己決定，咁你自己負責承擔後果，我會為自己做決定，我會揀無咁慘的路試下行，如果真係唔得，頂唔順再搏命都未遲，我唔想現在即刻死，我想苟且偷生多一段時間先，看看有沒有轉機，我死咗就咩都完，我唔想未盡力就玩完，我仲有啲方法可以再試下，我試過哂無辦法時死心才跟人搏命，這就是我的人生決定。