我自己錄音聽返自己唱甘心替代你，我覺得有些位好有趣，自己聽返都想笑，我係好認真咁唱，不過效果係好諧趣，我真係覺得自己搞笑係一流高手，我諗如果放在公眾場合播，一定笑爆全民，不過我唔會咁做，我未承受得來。
然而，我回想自己起初學畫時畫出來的東西一樣諧趣，那時我都好認真用心畫，不過因為技巧好初淺，有時會畫出好多古怪效果，大家一眼都會睇得出係有問題，但感覺係會覺得好搞笑，我學畫初期的作品的搞笑度好高，好有娛樂性，可惜我後來有一段時間唔開心，試過兩度掉哂啲作品，現在無留底了，無得俾大家睇，唉！真係好可惜！
如此，我想到自己經歷了一段操練時期才進步到畫到公眾較願意接受的作品效果來，我有時都想我唔再畫畫係咪有點浪費過去的努力，因此現在又有點動機想繼續畫，但從經濟學的沉沒有成本角度去看，其實無回報的事不應再做，不然只會繼續蝕，所以我又覺得有時又唔好介意浪費，有時可能懸崖勒馬是正確。
不過話雖如此，到了這一個階段時，我心裏有種感覺覺得如果感覺安舒的話，自己又享受的情況下，再執筆畫下畫又無妨，勉強就不要了，但若感覺安舒就不妨再畫，我諗係咁處理啦！